Baptist Tuanbia le Zumhnak

     Baptist Tuanbia le Zumhnak

     Sang Awr, Biahmaiṭhi by Cung Lian Hup

Baptist Tuanbia le Zumhnak cauk hi Baibal sianginn le Sunday School i cawn awktlak cauk ṭha  a   si.  Baptist sining le tuanbia kha tliang ngai le tling ngai in ṭialmi cauk ṭha a si rel cio dingah forth kan duh hna.”

     —Rev. Dr. Cung Lian Hup

 “Baptist Tuanbia le Zumhnak cauk hi a hram in a dongh tiang ka hun rel tikah thlalang kan i bih i kan mui kan i hmuh bantuk khin Baptist Khrihfabu kan sining, kan i ruahchanmi fiang ngai in a kan fianter chinchintu cauk ṭha a si.”

                         —Sui Mawng

“Baptist Khrihbu . . . tuanbia . . . 2009 July thla cun kum 400 kan tling cang lai. Protestant Khrihfabu chungah a hlun pawl kan si ve cang nain kan tuanbia hi mi tampi theih in a um tuk lo. Kan dernak le kan ṭawnak zong kan i thei lo. Zeitindah kan i thawk i zeitindah kan ṭhanning a si ti zong mi tam deuh cu kan i faing lo. . . . Cucaah Baptist Tuanbia le Zumhnak hi ka hun ṭialnak a si.”

                       —Rev. Dr. Sang Awr

384 pages, 2009 Paperback

Dawnnak

Lai Krihfa Caṭialtu Phu min in na kuat kan tlaih!

Lai Krihfa Caṭialtu Phu (LKCP) cu kum 2006 January 30 ah tlaicia kan pa, Dr. Sang Awr hruainak in rak dirh mi a si. LKCP nih aa tinhmi cu biaknak lei in si seh, Vawlei fimnak lei in siseh Lai miphun a ṭhanchonak caah cauk ṭha ṭial le chuah ding a si. LKCP cu CACC chuntel member ah 2007 in a lut. CACC nih thazaang a pek mi rianṭuannak a si.

LKCP lutlai, chungtel, le caṭialtu hna hi hlawh (lakkhah) pek an si lo. Ahopoah zaanghleicawi in tuan le tial cio a si. Lai Baibal Thiang kan relnak hi a sau ko cang; nain, hrilhfiah kan ngeih rih lo caah Lai Biabal Hrilhfiah hi a tu lio ah a ṭuan chuahmah mi a si. Kum 2010 tiang ah Dr. Sang Awr, Baptist Tuanbia le Zumhnak (2009) le Baikam Thar Carun chung um cauk pa li a chuah cang.Ram chung le ram leng a um mi Lai Khrihfabu thawhlawm in chuah an si caah, kan cauk pawl hi a miak hmuhnak lungput um lo in a man fawi te in zuar an si.

Reverend Dr. Sang Awr, LKCP a dirhtu cu kum 2011 January 16 ah a rianhmi le a daw tu Pathian sin ah aa din cang. Lai Khrihfa le ram caah a ngeih mi saduhthah le chunmang kap khat cu LKCP ah a nung.

Atu cu Rev. Dr. Cung Lian Hup nih LKCP lutlai a ṭuan.

LKCP nih kum 2011 April 14 ah an ngeih mi biachahnak le rian khinhnak thawng in Hrang Zel nih Korea in a tawl rel mi blog a si.